Kryeministrja italiane Giorgia Meloni, ku po mbahet takimi i Komunitetit Politik Europian në Granada i është referuar sërish menaxhimit të krizës së emigracionit.
“Jam e kënaqur, jemi çdo gjë tjetër veçse të izoluar. Italia dëshiron, për Afrikën, një qasje që nuk është e natyrës paternaliste, por ne kemi nevojë për mbështetjen e gjithë Europës,” tha ajo.
Granada, punto stampa prima del Vertice della Comunità Politica Europea. pic.twitter.com/0f3nk5vD3J
— Giorgia Meloni (@GiorgiaMeloni) October 5, 2023
Duke iu referuar mosmarrëveshjeve që kanë lindur ditët e fundit mes Italisë dhe Gjermanisë, Giorgia Meloni shtoi:
“Nesër do të takohem me kancelarin Scholz, ditët e fundit kemi biseduar me telefon.
Takimi i nesërm do të jetë një mundësi për të parë se si mund të bëjmë përparim veçanërisht në dimensionin e jashtëm. Italia votoi pro Paktit të Migracionit dhe Azilit sepse këto janë rregulla që ne i konsiderojmë më të mira se ato të mëparshmet, por propozimi italian nuk ka të bëjë me vazhdimin e debatit për akomodimin e atyre që hyjnë ilegalisht në Europë.
Ne jemi të interesuar të ndalojmë imigracionin e paligjshëm”.
/abcnews.al
