Loading ...
Në mes të një pandemie globale, njerëzit janë duke kërkuar për diçka pozitive në jetët e tyre.
Së fundmi përdoruesit e Twitter po bëjnë thirrje që njerëzit të vendosin përsëri dritat e Krishtlindjeve. Me mbylljen e shkollave, punës, restoranteve dhe anullimin e aktiviteteve të ndryshme, shumë njerëz po ndiejnë efektet e frikshme të Koronavirusit.
Dhe për prindërit me fëmijë në shtëpi të cilët janë shkëputur nga shkolla për një periudhë të pacaktuar, nevoja për një dritë në fund të tunelit është e rëndësishme.
Kjo është arsyeja pse një thirrje për të vënë përsëri dritat e Krishtlindjeve është shpërndarë masivisht në internet. Pra, nëse jeni në shtëpi dhe nuk keni asgjë për të bërë, zbukurimi i shtëpisë tuaj është zgjidhja perfekte. Nxirrini dritat dhe zbukurimet e Krishtlindjeve, pasi kështu do të ndizni një atmosferë festash, gëzimi dhe shprese në familjen tuaj./abcnews.al
