Ideja e një roboti që mund të ecë, fluturojë dhe të bëjë skateboard mund të tingëllojë si një koncept i trillimeve shkencore por në fakt është i vërtetë. Legs Onboard Drone, shkurt LEO, është një robot 76 centimetra i gjatë me dy këmbë.
Kompania krijuese thotë se roboti mund të përdoret për të kryer detyra shumë të vështira – përfshirë operimin në mjedise të rrezikshme dhe të vështira për t’u arritur. Është zhvilluar nga një ekip në Qendrën e Caltech për Sistemet dhe Teknologjitë Autonome.
LEO është roboti i parë që përdor këmbë me shumë nyje dhe shtytës të bazuar në helikë për të arritur një shkallë të mirë kontrolli. Ende nuk ka asnjë informacion kur do të dalë në treg apo sa kushton pasi është ende në fazën e zhvillimit. /abcnews.al
