Loading ...
Ministrja e Bujqësisë Frida Krifca deklaroi se qeveria ka në plan mbështetjen e fermerëve financiarisht që nga prodhimi deri në agro përpunim, si dhe një plan të veçantë për mbështetjen e peshkatarëve. Krifca deklaroi se eksportet në vendin tonë janë rritur me 14%.
“Buxheti i vitit 2022 do mbështesë objektivat qeverisës të këtij mandati. Do të mbështeten fermerët që nga prodhimi deri në agro-përpunim. Do mbështeten peshkatarët. Dhe objektivi i eksporteve në do ta mbështesim me buxhet. Eksportet janë rritur me 14%. Ky është lajm i mirë për bujqësinë dhe peshkimin.
Do të injektojmë financim aty ku produktiviteti është i lartë. Gjithashtu buxhet do të ketë për bazën e bujqësisë. Do investojmë në rritjen e kapaciteteve që ruajnë sigurinë ushqimore në vend. Do vijojmë ta mbështesim turizmin rural. Përveç kësaj do vijojmë edhe me mbështetjen ndaj peshkatarëve., Jam entuziaste për buxhetin e vitit 2022. Financimi do shkojë direkt te fermeri. Do mbështesim edhe agro përpunuesit” u shpreh ajo. m.v/Abcnews.al
