Yevgeny Prigozhin, kreu i organizatës famëkeqe mercenare ruse Wagner Group, ka kërcënuar drejtpërdrejt presidentin francez Emmanuel Macron.
Duke lënë mënjanë përplasjet me udhëheqjen ushtarake ruse, Prigozhin filloi kërcënimet ndaj Macron me rastin e miratimit unanim të një rezolute nga Asambleja Kombëtare Franceze, duke u bërë thirrje vendeve anëtare të BE-së që të fusin në listën e organizatave terroriste grupin Wagner.
“Ne mund të shkulim dhëmbët e kalbur nga ato gojë të liga. Ne mund t’i shkulim dhëmbët Macronit dhe në përgjithësi kujtdo që hedh baltë në grupin Wagner”, tha ai.
Mercenarët e organizatës së Prigozhinit kanë qenë aktivisht të përfshirë në pushtimin rus të Ukrainës, pavarësisht kundërshtimit të shefit të tyre ndaj zyrtarëve të mbrojtjes ruse, dhe veçanërisht në betejën për kontrollin e Bakhmutit.
/abcnews.al
