Kreu i Wagner tha se forcat ukrainase kanë rimarrë në kontroll një zonë në veri të Bakhmut. Yevgeny Prigozhin tha se forcat e Kievit kishin rimarrë Berkhivka, duke e quajtur atë një “turp”.
Ai u bëri thirrje udhëheqësve brenda ushtrisë ruse, duke përfshirë ministrin e mbrojtjes Sergei Shoigu dhe shefin e shtabit të përgjithshëm, Valery Gerasimov, të vijnë në vijën e parë, në një postim në Telegram.
Grupi mercenar i Prigozhin udhëhoqi sulmin e suksesshëm në qytetin lindor të Bakhmut muajin e kaluar pas betejës më të gjatë të luftës.
Prigozhin ka qenë i hapur me kritikat e tij ndaj udhëheqjes ushtarake të Rusisë në të kaluarën. Para se Wagner të merrtë në kontroll Bakhmutin, udhëheqësi kërcënoi se do të tërhiqte forcat e tij nga qyteti duke fajësuar Moskën për mungesë municionesh.
/abcnews.al
