Yevgeny Prigozhin, kreu i grupit ushtarak privat rus Wagner, tha se informacionet paraprake tregojnë se luftëtarët e tij në qytetin lindor të Ukrainës, Bakhmut, kanë filluar të marrin më shumë municion.
“Furnizimet me municione, sipas të dhënave paraprake, ne vazhdojmë t’i marrim. Unë nuk e kam parë ende personalisht, ” u shpreh Prigozhin, shkruan CNN.
Prigozhin është ankuar vazhdimisht se njësitë e tij Wagner nuk po marrin municion të mjaftueshëm nga strukturat e mbrojtjes ruse. Javën e kaluar, ai njoftoi se ata do të tërhiqen nga Bakhmut – një kërcënim që ai tani duket se po rikthehet.
Më herët të hënën, një komandant ukrainas në Bakhmut tha se njësia e tij përballet me granatime “të vazhdueshme” dhe nuk kishte parë asnjë provë për mungesën e municioneve ruse që Prigozhin kishte pretenduar./abcnews.al
