Zgjedhjet për kreun e ri të PD-së kanë qenë dhe tema kryesore e diskutimit në një tryezë të ftuarish në emisionin Log. me gazetarin Endri Xhafo.
Analisti Ermal Hasimja i ftuar në Log është shprehur se gara në PD është reale, dhe sipas tij kandidatët janë të fortë.
Sipas tij nuk është e njëjtë si gara e 2017 ku ishte përballë Eduart Selami, por është që pritet të shikohet sesi do të mbyllet.
“PD që njihja unë në 2005 është shumë ndryshe tashmë. Mendoj se në atë vit njerëzit kishin shumë pritshmëri se vendi do të ndryshonte dhe rotacioni do të sillte ndryshime të mëdha. Zgjedhjet brenda PD janë shumë të rëndësishme, tashmë kemi një garë reale, ndërsa në 2017 beteja ishte më fataliste, Në këtë garë përplasja është më e fortë dhe deri më tani presim sesi do të përfundojë. Gara është nisur me katër emra dhe nuk janë kandidatë fasadë por janë kandidatë që po garojnë. Në pjesën më të madhe të kohës dhe thuajse në të gjithë rastet kemi parë të njëjtët linjë”, është shprehur Hasimja.e.su./abcnews.al
