Trajneri i Italisë, Roberto Mancini, ka bërë një krahasim mes Federico Chiesës dhe babait të tij, Enricos. Sulmuesi i Juventusit ishte heroi për bardhezinjtë në duelin kundër Milanit, falë dy golave që shënoi. Tekniku deklaron se Federico nuk mund të krahasohet dot me Enricon, por po përmirësohet shumë tek bardhezinjtë.
“Enrico dhe djali i tij janë shumë të ndryshëm nga njëri tjetri. Kur Enrico kaloi tek Sampdoria ishte shumë i ri dhe u huazua tek Modena për të fituar eksperiencë. Ai filloi të shënonte gola dhe kur u rikthye të gjithë donin të nënshkruanin me të. Gjithashtu, ai është dhe një person shumë i mirë”, deklaron italiani.
Fizikisht, Federico është ndryshe nga babai i tij, por teknikisht janë të ngjashëm vetëm kur godasin para portës. Enrico ishte një sulmues, ndërsa Federico luan në krah. Juventusi është një hap i rëndësishëm për dhe besoj se do të përmirësohet shumë në aspektin personal”, përfundon Mancini. /abcnews.al
