Loading ...
Nuk ishin vetëm fitoret të ngjashme, por edhe pasojat. Kosova ndoqi pikë për pikë manualin e shkruar nga Shqipëria, ndërsa dy ekipet përfaqësuese të shqiptarëve mundën rivalët me rezultat identik dhe po ashtu shkarkuan dy trajnerë.
Federata Suedeze e Futbollit lajmëroi se largoi nga detyra teknikun Jon Dal Tomason, dhe kjo jo vetëm sepse “dardanët” triumfuan 1-0 në stadiumin e Goteborgut, por edhe sepse skandinavët tashmë janë praktikisht të eliminuar nga Kupa e Botës.
Me vetëm 1 pikë në 4 ndeshje, shpresat janë fare, fare të zbehta.
Goli i shënuar nga Fisnik Asllani bëri që Kosova të jetë në vend të dytë me 7 pikë, Sllovenia e treta me 3, ndërsa Zvicra është e para me 10 pikë.
Të shtunën dhe të dielën ishte I njëjti skenar, por këtë herë në Serbi.
Shqipëria fitoi në stadiumin “Duboçica” gjithashtu 1-0 me golin e shënuar nga Rej Manaj, dhe kaloi në krizë skuadrën vendase, që mbeti në vendin e tretë, 4 pikë prapa Shqipërisë që është e dyta në grup.
Trajneri Dragan Stojkoviç dha dorëheqjen direkt pas ndeshjes së të shtunës, dhe të dielën Federata Serbe e pranoi largimin e tij. Dy skuadrat e shqiptarëve vërtet që patën ditë të mëdha në eliminatoret e Kupës së Botës.
