Kosova U21 e ka nisur me fitoren rrugëtimin në kualifikueset e Euro 2023 për 21-vjeçarët. Dardanët mposhtën me rezultatin e pastër 2-0 Andorrën dhe triumfi erdhi nga stoli.
Pasi kishin humbur disa mundësi, pjesa e parë u mbyll në barazim pa gola dhe normalisht Kosovës nuk i falej diçka e tillë.
Zgjidhja erdhi nga Dion Berisha i Augsburg, i cili direkt sapo u fut ia doli të shënonte golin e avantazhit në portën e Andorrës.
Më pas Mark Marleku, tre minuta më pas, në të 85′ realizoi golin e qetësisë, që i dha tre pikët Kosovës U21. Pak ditë më parë Andorrën e mposhti edhe Shqipëria, 0-3 në transfertë. v.p / abcnews.al
