Përfaqësuesja e Kosovës për U-21 nuk ka shkuar më shumë se barazimi 0-0 në përballjen me Slloveninë U-21, në takimin e luajtur në “Fadil Vokrri”.
Ky takim ishte i vlefshëm për kualifikueset e Europianit për kombëtaret e 21-vjeçarëve, ku pas këtij barazimi dardanët e vegjël kanë arritur të grumbullojnë 7 pikë, ndërsa ndodhen në grupin G.
Interesante në këtë takim ishte se nga afër e ka ndjekur edhe trajneri i Kosovës A, Alain Giresse i cili ka preferuar të shikojë futbollistët në një ndeshje, për të studiuar ndonjë talent që mund të përdorë te përfaqësuesja e madhe. /f.a/abcnews.al
