Kosova mësoi kundërshtarët e saj në eliminatoret e “Botërorit 2026”. Goglat ishin me fat për “Dardanët”, që në shortin e Zyrihut u vendosën në Grupin B, bashkë me Zvicrën, Suedinë dhe Slloveninë.
Një grup me katër skuadra për kombëtaren e Kosovës, që evitoi gjigandët e futbollit europian.
Por një sfidë e veçantë do të jetë ajo me Zvicrën, pasi me skuadrën helvete luajnë shumë futbollistë me origjinë shqiptare, mbi të gjithë kapiteni i saj Granit Xhaka.
Po ashtu, edhe rivalët e tjerë të skuadrës së drejtuar nga Franko Foda mund të jenë të kalueshëm./abcnews.al
