I pyetur për idenë e Presidentit të Kosovës për korrigjimin e Kufijve mes Serbisë dhe Kosovës, Berisha i qëndron mendimit të mëparshëm. Sipas tij ky është plan i Beogradit dhe argatëve të tij në Prishtinë për t’i futur thikë të tmerrshme Kosovës.
“Argatët e Beogradit në Prishtinë kanë hierarkinë e tyre. Më i rëndësishmi mund të jetë ai që do të shesë nacionalizmin serb si modern dhe atë të rilindasve si arkaik dhe të së shkuarës. Ky është plan i Beogradit dhe argatëve të tij në Prishtinë për t’i futur thikë të tmerrshme Kosovës”.
Ndërkohë ai vlerësoi të gjitha forcat politike në Kosovë që po e kundërshtojnë këtë plan të Serbisë.
“Përshëndes forcat politike shqiptare në Kosovë që po kundërshtojnë këtë projekt të serbomëdhenjve sepse Beogradi dhe argatët e tij në Prishtinë nuk do lënë gur pa lëvizur duke destabilzuar Kosovën dhe duke krijuar konfliktualitet”.
“Unë të pabesueshmet i kam të vështira t’i besoj. Të besoj që Beogradi do na bëjë dhurata ne shqiptarëve do të duhen 100 vjet paqe e bashkëpunim që mbyllen ato që kemi”. /abcnews.al
