Gjatë një mbledhje të Komitetit të Punëve të Jashtme të Senatit në SHBA, Kongresmeni Lee Zeldin, e ka pyetur Sekretarin e Shtetit Antony Blinken mbi caktimin e ish-kryeministrit Sali Berishës si persona non-grata dhe kërkoi fakte që Blinken ka mbi korrupsionin e Berishës për të cilën u akuzua.
Blinken nga ana e tij është shprehur se SHBA vijon të shohë përtej kufijve rreth atyre të përfshirë në korrupsion dhe që shkelin të drejtat e njeriut apo që sfidojnë parimet e demokracisë.
Ai është pyetur sërish lidhur me këtë çështje duke shtuar se nuk ka çfarë të ndajë publikisht.
LEE ZELDIN: Keni njoftuar për sanksione ndaj ish-Presidentit të Shqipërisë, Sali Berisha dhe për shumë nga ne kjo ishte e papritur ai ka qenë mysafir dhe aleat i George W. Bush gjithashtu një kundërshtar agresiv i George Soros. Sa i takon historisë së tij politike me SHBA, Çfarë informacionesh mund të ndani për të justifikuar këtë lëvizje dramatike?
ANTONY BLINKEN: Faleminderit, ne vijojmë të shohim përtej kufijve rreth atyre të përfshirë në korrupsion që shkelin të drejtat e njeriut, që sfidojnë parimet e demokracisë. Në këtë çështje procesi u zhvillua normalisht, përfshirë avokatët e mi. Do të isha i lumtur ta ndaja me ju nëse do të ishte e dobishme, se për çfarë flitet ekzaktësisht.
LEE ZELDIN: A ka ndonjë informacion specifik që mund të ndani me Komisionin këtë radhë?
ANTONY BLINKEN: S’kam çfarë të ndaj me ju tani, por do të doja të komentoja me ju dhe me këdo që është i interesuar.
LEE ZELDIN: Kam bërë disa kërkime për të gjetur se në çfarë afere korruptive është përfshirë Sali Berisha, dhe nuk arrita të gjeja asgjë. Ku duhet të shkojë një gazetar që kërkon të gjejë informacion? Pra ku duhet të shkojë një gazetar që të marrë informacion mbi korrupsionin që i referoheni ju?
ANTONY BLINKEN: E para, para se të kalojmë tek media, anëtarët të vijnë në Zyrën e Legjislacionit, dhe ne do të sigurohemi që të merrni informacionin, dhe e dyta, sa i takon medias, ejani në Zyrën e Zëdhënësit të Punëve të Jashtme dhe ne do të sigurohemi që në përputhje me detyrimet që kemi, ta ndajmë informacionin me ju.
LEE ZELDIN: A jeni ju në dijeni për burime të hapura informacioni që mbështesin pretendimet se ka patur korrupsion në të cilin është përfshirë Berisha?
ANTONY BLINKEN: Jam i sigurt se çdo gazetar mund ta bëjë atë pyetje në deklaratat për media që ne mbajmë çdo ditë në DASH për të marrë çdo informacion që kemi në dispozicion për publikun.
LEE ZELDIN: Për të qartësuar diçka lidhur me mbrojtjen e z.Berisha, thjesht po përpiqem të kuptoj se çfarë është e vërtetë dhe çfarë jo, a keni komunikuar ju apo dikush në emrin tuaj me Sorosin?
ANTONY BLINKEN: Unë jo s’mund të flas në emër të gjithë DASH, por unë jo.
Video ku kongresmeni Lee Zeldin pyeste Blinken mbi ish-kryeministrin Sali Berisha u shpërnda fillimisht në rrjetet sociale nga Jamarbër Malltezi i cili ishte kujdesur edhe për përkthimin e fjalëve të Sekretarit të Shtetit.
e.l/abcnews.al/
