Një gjykatë ushtarake në Republikën Demokratike të Kongos ka dënuar me vdekje tetë ushtarë për braktisjen e vijës së frontit përballë sulmeve nga grupi rebel M23. Dënimi u lexua të premten në qytetin lindor të Gomës, raporton AP.
Gjykata ushtarake nuk ngriti asnjë akuzë ndaj tre nënoficerëve të tjerë që ishin akuzuar për të njëjtin krim. Avokatët e ushtarëve të dënuar thanë se planifikonin të apelonin.
“Ky vendim do të anulohet. Ne kemi besim, sepse nëse në nivel Goma, drejtësia ushtarake dështoi, besojmë se në nivelin e Gjykatës së Lartë Ushtarake, nuk do të lëmë të mbetet një vendim monstruoz si ky”, ka thënë Alexis Olenga, avokat.
Republika Demokratike e Kongos kohët e fundit rivendosi dënimin me vdekje pas më shumë se dy dekadash. Ministria e Drejtësisë ka thënë se ndalimi i vitit 2003 i lejoi shkelësit e akuzuar për tradhti dhe spiunazh t’i shpëtonin dënimit të duhur./ abcnews.al
