Palët ndërluftuese të Sudanit kanë dështuar në marrëveshjet e tyre për të lejuar shpërndarjen e ndihmave humanitare, tha shefi i OKB-së për Humanitare, Martin Griffiths.
Gjatë një interviste me AFP në Gjenevë, Griffiths shprehu kënaqësinë për marrëveshjen e nënshkruar më 12 maj nga përfaqësuesit e gjeneralëve rivalë në Arabinë Saudite, e cila parashikonte krijimin e korridoreve humanitare, nga njëra anë, për evakuimin e civilëve dhe nga ana tjetër shpërndarja e ndihmave humanitare.
Që kur shpërtheu lufta në vendin e varfër afrikan më 15 prill midis forcave të armatosura nën gjeneralin Abdel Fattah al-Burhan dhe paraushtarakëve të Forcave të Mbështetjes së Shpejtë të gjeneralit Mohamed Hamdan Daglo (RSF), të paktën 1,000 njerëz janë vrarë, 840,000 janë zhvendosur.
OKB-ja vlerësoi ditën e djeshme se “25 milionë njerëz, më shumë se gjysma e popullsisë” të Sudanit kanë nevojë për ndihmë.
/abcnews.al
