Pesë shtetasit shqiptarë, të cilit ndodheshin në Izrael për arsye turistike dhe profesionale, do të kthehën së shpejti në Tiranë.
Ministri për Evropën dhe Punët e Jashtme, Igli Hasani, tha se dërgimi I tyre në Egjipt, ku janë aktualisht, u mundësua nëpëmjet ambasave në Tel Aviv dhe Kajro.
“Ata ndodhen tashmë në Egjipt, në gjendje të mirë shëndetësore, dhe pritet të kthehen së shpejti në Shqipëri.Largimi dhe kthimi i tyre u mundësua nga Ministria për Evropën dhe Punët e Jashtme, nëpërmjet ambasadave në Tel Aviv dhe Kajro.”
Pesë shtetasit shqiptarë ndodheshin në Izrael, që prej nisjes së konfliktit mes Tel Avivit dhe Teheranit të premten. Ministria për Evropën dhe Punët e Jashtme ka qënë në kontakt të vazhdueshëm me ta. Po ashtu, Tirana zyrtare ka shprehur shqetësimin për konfliktin e nisur në Lindjen e Mesme.
Të hënën, ministri Hasani, nga ministeriali i procesit të Bashkëpunimit Rajonal të Europës Juglindore, apeloi për vetëpërmbajtje dhe zgjidhje të qëndrueshme politike mes Tel Avivit dhe Teheranit./abcnews.al
