Komisioni Evropian do të japë 50 milionë euro për Agjencinë e OKB-së për Refugjatët Palestinez (UNRWA) javën e ardhshme.
Komisioni ndau 150 milionë euro për vitin 2024 për të mbështetur popullsinë palestineze në të gjithë rajonin, duke përfshirë 82 milionë euro ndihmë që do të shpërndahen përmes UNRWA dhe 68 milionë euro përmes partnerëve ndërkombëtarë, përfshirë Kryqin e Kueq dhe Gjysmëhënën e Kuqe, shkruan Al Jazeera.
Në një deklaratë, ajo tha se kishte vlerësuar vendimin e saj për financimin në dritën e “akuzave shumë serioze” të bëra më 24 janar nga Izraeli që implikonin disa staf të UNRWA-s në sulmet e 7 tetorit.
Komisioneri i Përgjithshëm i UNRWA, Philippe Lazzarini, kishte paralajmëruar më parë se ndarjet e brendshme brenda bllokut kërcënonin të prishnin fondet, gjë që do të siguronte një shpëtim jetik financiar për agjencinë në javët e ardhshme në dritën e pezullimit të financimit nga ana e disa vendeve perëndimore./abcnews.al
