Autoritetet kolumbiane arrestuan nëntë ushtarakë aktivë dhe në pension me akuza për trafik armësh, si pjesë e një hetimi më të gjerë për një sulm me granata vitin e kaluar në Bogota.
Në njoftimin e ushtrisë kolumbiane, thuhet se mes të arrestuarve janë tre nënoficerë dhe dy ushtarë, si dhe katër ushtarakë në pension.
Të dyshuarit thuhet se përballen me akuza për konspiracion.
Zyra e informacionit publik të ushtrisë tha për AP se materialet që grupi dyshohet se shiti përfshinin municion, armë dhe uniforma.
Hetimi lidhet me një sulm pranë një pike pagese në Bogota vitin e kaluar, në të cilin autoritetet më vonë përcaktuan se granatat e përdorura i përkisnin ushtrisë.
Askush nuk u lëndua nga sulmi.
Ky është arrestimi i dytë i pjesëtarëve të forcave të armatosura kolumbiane të dyshuar për kontrabandë armësh brenda dy muajsh./abcnews.al
