Jorge Ivan Salazar Palacio ka mbledhur prej 16 vitesh botimet e “Njëqind vjet vetmi” , romani i famshëm i Gabriel García Márquez. Ai ka botime në tamilisht, armenisht dhe 45 të tjera. Qindra kopje zbukurojnë raftet e bibliotekës në shtëpinë e tij në qytetin e Armenisë, në Kolumbinë qendrore-perëndimore.
“Në total 379 botime” të librit Njëqind vjet vetmi, mes tyre i pari, i shtypur në vitin 1967, shpjegon ai për AFP. “Është i preferuai im, munda ta gjeja në Meksikë, e kishte një librashitës. Ky botim u shtyp vetëm në 8000 kopje”, vijon inxhinieri 59-vjeçar. Jorge filloi të mbledhë veprën e shkrimtarit kur ishte 43-vjeç.
Megjithëse nuk mund ta vërtetojë zyrtarisht këtë, ai beson se ka koleksionin më të madh të “Njëqind vjet vetmi” në botë. Madje, ai ka një version “pirat”, të shtypur në Kinë, kur ende nuk kishte dalë botimi zyrtar./abcnews.al
