Klubet kërkojnë përjashtimin e Manchester City nga Premier League.
City akuzohet për shkelje flagrante gjatë viteve 2009-2018 ndërsa mes dokumentacionit të bollshëm figuron edhe ish-trajneri Roberto Mancini i cili dyshohet se e ka marrë një pjesë të pagesës nën dorë në vitin 2013.
Sipas “The Sun”, duke nuhatur momentin e vështirë të miliarderëve bardhekaltër, klubet rivalëve kërkojnë të përfitojnë nga momenti për t’i rrëzuar. Drejtues të ndryshëm kërkojnë nën zë që vendimi të merret përpara fundit të sezonit.
City është akuzuar për më shumë se 100 shkelje të rregullave të financimit të Premier League.
Klubi anglez, i cili ka fituar gjashtë herë titullin e Premier League që kur u mor nga investitorët arabë City Football Group, tha dje se ishte “i befasuar nga njoftimi i këtyre shkeljeve të supozuara nga liga”.
“Klubi mirëpret një rishikim të kësaj çështjeje nga një panel i pavarur për të shqyrtuar në mënyrë të paanshme tërësinë e provave të pakundërshtueshme”, tha City. /G.D abcnews.al/
