Në prag të ndeshjes së parë direkte ndaj Real Madrid të martën në orën 21:00, Jurgen Klopp ka folur në një konferencë për shtyp duke u përgjigjur pyetjeve të gazetarëve.
Si është shpirti i ekipit?
“Nuk e di. Një nga klubet më të mëdha në botë është këtu, ata e kanë fituar këtë trofe nuk e di sa herë. Ne luajtëm finalen në Paris dhe nuk e pashë më deri këtë fundjavë. Dhe tani e di pse. Kemi luajtur një lojtë të mirë. Mund të kishim fituar, por nuk e bëmë. Në ato ndeshje mund të shihni përvojën e Realit. Ata kurrë nuk e humbin besimin dhe këmbët nuk u ndalen. Do të shohim se çfarë mund të bëjmë nesër. Jemi dy ekipe të ndryshme, në kohë të ndryshme.”
A është përmirësuar skuadra?
“Në fakt jemi përmirësuar, por kemi nevojë për rezultate. Tani nuk jemi në të njëjtën situatë. Këto dy fitore mund të bëjnë të duket se jemi më mirë. Dhe po, mund të jemi. Ne duhet të luftojmë me gjithçka që kemi. Të gjithë luajnë shumë fortë në këtë kompeticion dhe të gjithë ëndërrojnë ta fitojnë.”
A e konsideroni Vinicius provokues?
“Nuk e di se çfarë po ndodh. Asgjë në botë nuk mund të justifikojë një reagim racist. Shpresoj të mos kaloj nesër përpara ndonjë tifozi idiot që të thotë diçka raciste. Ai është një lojtar i klasit botëror. Ai tashmë është një legjendë e Madridit”, është shprehur Klopp./h.ll/abcnews.al
