Trajneri i Liverpool, Jurgen Klopp, ka folur para sfidës kundër Arsenalit, një sfidë shumë delikate për të dyja skuadrat. Strategu gjerman gjithashtu, foli edhe për të ardhmen e Xherdan Shaqirit, duke konfirmuar qëndrimin e sulmuesit me origjinë shqiptare.
“Shaqiri besoj se do të na duhet edhe këtë sezon. Kundër Lincoln, ai bëri një paraqitje fenomenale, u soll si lider në fushë dhe mendoj se e meriton të qëndrojë me ne.
Sfida kundër Arsenalit? Do të jetë një duel spektakolar. Mendoj se nga Arsenali më tremb më shumë trajneri i tyre. Arteta ka sjellë në ekip një ide e lojë fantastike, të paparashikueshme, prandaj duhet të bëjmë shumë kujdes”, u shpreh Klopp./abcnews.al
