Skuadra e Liverpool ka marrë 37 pikë pas 13 ndeshjes kampionat, duke lënë vetëm dy pikë përballë Manchester United në transfertë. Të kuqtë e Jurgen Klopp triumfuan edhe sot përballë Crystal Palace, me rezultatin e ngushtë 1-2.
Roberto Firmino shënoi në minutën e 85-të për t’i dhënë fitoren Liverpoolit dhe analistët në Angli e konsideruan ekipin kryesues si skuadra më me shumë fat deri më tani. Klopp, për këto komente, tha: “Nuk më intereson.
Nuk ia kam idenë se çfarë thonë ‘analistët’, më intereson vetëm fakti që po fitojmë, falë zotit. Rezultati na çon në krye dhe ne duam ta ruajmë atë pozitë. Rezultatet flasin vetë, ne jemi një skuadër e madhe. Nuk besoj se fati ka të bëjë me momentin fantastik që po kalojmë”, përfundoi Klopp./abcnews.al
