Linja ajrore “Virgin Airlines” planifikon të lejojë pasagjerët të sjellin me vete në avion kafshët e tyre me gëzof.
Nëse marrin dritën jeshile, ata do të bëhen linja ajrore e parë në Australi, pasagjerët e së cilës do të jenë në gjendje të fluturojnë me kafshët e tyre në kabinë brenda 12 muajve.
Në një deklaratë për shtyp të titulluar “Cat’s Out The Bag”, linja ajrore njoftoi synimin e saj për të qenë “e para në Australi që do të kryejë fluturime me kafshë shtëpiake”.
Në një sondazh të kryer në rrjetet sociale në vitin 2021, rreth 85 për qind e ndjekësve të Virgin Airlines votuan që linja ajrore të lejojë kafshët shtëpiake në kabinat e avionëve. Një tjetër 57 përqind thanë se do të fluturonin më shpesh nëse shërbimi bëhej realitet.
Vetëm racat e vogla të qenve dhe maceve do të lejoheshin në kabina dhe kafsha do të duhej të futej në hapësirën poshtë sediljes. Gjithashtu, kafshët shtëpiake do të duhet të jenë në transportues dhe nuk do të lejohen të ecin në aeroplan ose të ulen në prehrin e pronarëve të tyre. Ata që zgjedhin këtë opsion do të duhet të paguajnë një tarifë shtesë, por shuma e saj ende nuk dihet./abcnews.al
