Qëllimi i ecjes për një orë në ditë mund të arrihet lehtësisht. Për shembull, ju mund të bëni një shëtitje për pesëmbëdhjetë minuta dy herë në ditë. Ju gjithashtu mund të ecni në fundjavë në vend që të vozitni. Në çdo rast, nëse mendoni se sa i rëndësishëm është qëllimi dhe motivimi, atëherë patjetër do të gjeni një mënyrë për ta integruar ecjen në jetën tuaj. Dhe nëse ende po kërkoni arsye për të ecur, mund të merrni edhe një qen!
Pronarët e qenve ecin më shumë
Sipas një studimi të ri në shkallë të gjerë nga shkencëtarët në Universitetin e Liverpulit, i publikuar së fundmi, pronarët e qenve shpenzojnë rreth 300 minuta çdo javë duke ecur me qentë e tyre, rreth 200 minuta më shumë se njerëzit pa qen. Rezultatet e studimit mbi qentë dhe ushtrimet, treguan se pronarët e qenve kanë rreth katër herë më shumë gjasa se njerëzit e tjerë të ndjekin udhëzimet ditore për ushtrime fizike.
Nuk ka më justifikime për shkak të lodhjes
Gjëja e fundit që një person që vuan nga lodhja dëshiron të bëjë është ushtrimi. Megjithatë, hulumtimi nga Universiteti i Gjeorgjisë tregon se ushtrimet e rregullta dhe me intensitet të ulët mund të ndihmojnë në rritjen e niveleve të energjisë tek njerëzit që vuajnë nga lodhja. Ushtrimi është një mënyrë e mirë që njerëzit të ndihen më energjikë, dhe ka përfitime nga kafeina dhe pijet energjike./abcnews.al
