Benevento e mbylli në barazim 0-0 takimin jashtë fushe ndaj Parmës. Pikë e rëndësishme për objektivin mbijetesë dhe rezultati i tretë radhazi pa humbje në Serie A për “Shtrigat”.
Trajneri i skuadrës së ardhur nga Serie B, Pippo Inzaghi vlerëson lojën e djemve dhe ndalet te Zlatan Ibrahimovic, ish-shok skuadre te Milani, në deklaratën e dhënë për Sky Sport.
“Zlatan është një tip shumë kërkues dhe mua më pëlqejnë lojtarët që karikojnë, udhëheqin, marrin përpara skuadrën dhe stërviten me seriozitet. Ibra është një futbollist që i fiton i vetëm ndeshjet.
Ishim shumë miq kur luanim te Milani, të dy donim me çdo kusht të luanim përkrah njëri-tjetrit. Kam vetëm një peng. Jam dëmtuar shumë atë periudhë dhe ndjej keqardhje që kam luajtur aq pak me Ibrahimovic.
Kush ‘vuante’ më shumë prej tij? Të gjithë (qesh). Por unë i thoja të mos më çante kokën dhe e bëja të kuptonte peshën e rëndësinë e viteve që kisha kaluar te Milani. Ai Milan ishte një skuadër madhështore“, deklaron ish-sulmuesi i famshëm italian. /abcnews.al
