Zëdhënësi i Sigurisë Kombëtare të Shtëpisë së Bardhë, John Kirby i tha Radios polake se përshkallëzimi i konfliktit nuk do të ishte i mirë as për Ukrainën dhe as për Poloninë.
“Askush nuk dëshiron që kjo luftë të përshkallëzohet”, tha John Kirby kur u pyet në lidhje me kërkesën e Ukrainës që raketat ruse të rrëzohen nga territori polak.
“Ne duam të kërkojmë mënyra për ta bërë Ukrainën efikase, por nuk duam përshkallëzim. Nuk do të ishte mirë për ukrainasit, nuk do të ishte mirë për polakët, nuk do të ishte mirë për askënd.” tha ai.
Zëdhënësi i Sigurisë Kombëtare të Shtëpisë së Bardhë tha se i takon qeverisë polake të vendosë procedurën e saj të vetëmbrojtjes dhe përsëriti se SHBA-ja nuk dëshiron përshkallëzim midis Rusisë dhe Perëndimit ose midis Rusisë dhe SHBA-së. Kirby, megjithatë, vuri në dukje se vlerësimi nëse një gjuajtje e veçantë ishte vetëmbrojtje apo përshkallëzim varet nga rrethanat./abcnews.al
