Kina ka rikonfirmuar respektin për integritetin territorial të Ukrainës , sipas ministrit të Jashtëm të Ukrainës, Dmytro Kuleba. Ministri i Jashtëm i Kinës Wang Yi i ka thënë homologut të tij ukrainas, sipas raportimeve, se “sovraniteti dhe integriteti territorial i të gjitha vendeve duhet të respektohen”.
Duke folur në margjinat e asamblesë së përgjithshme të OKB-së, Wang u citua nga media shtetërore kineze të ketë thënë se të gjitha përpjekjet e favorshme për zgjidhjen paqësore të krizës në Ukrainë duhet të mbështeten.
Wang “ripohoi respektin e Kinës për sovranitetin dhe integritetin territorial të Ukrainës”, shkroi Kuleba në Twitter pas takimit mes dyshes.
Wang ritheksoi gjithashtu “refuzimin e përdorimit të forcës si mjet për zgjidhjen e mosmarrëveshjeve”, shtoi Kuleba. /abcnews.al/
