Legjislatura e Kinës ka miratuar një rezolutë të diskutueshme, duke hapur rrugën që sistemi zgjedhor i Hong Kongut të rishikohet, shkruan BBC.
Rezoluta “patriotë që qeverisin Hong Kong-un” u miratua në Kongresin Popullor Kombëtar, sot.
Ai do të zvogëlojë përfaqësimin demokratik dhe do të lejojë një panel pro-Pekinit të kontrollojë kandidatët “patriotë”, informon abcnews.al.
Rezoluta u miratua me 2895 vota pro, zero vota kundër dhe një abstenim. Votimi u zhvillua në takimin e NPC si pjesë e Dy Sesioneve, konferenca më e rëndësishme politike e Kinës.
Legjislacioni i hollësishëm tani do të hartohet dhe mund të miratohet në Hong Kong brenda disa muajve të ardhshëm.
Është e fundit në një seri lëvizjesh që kanë forcuar kontrollin e Pekinit në Hong Kong, duke përfshirë miratimin e një ligji të sigurisë kombëtare dhe një goditje ndaj aktivistëve dhe politikanëve të opozitës./e.b-abcnews.al
