Ukraina ka ripërsërituar ftesën e saj për Papa Françeskun për të vizituar Kievin, duke i kërkuar atij që të vazhdojë të lutet për popullin e saj, tha një zëdhënës i Ministrisë së Jashtme.
“Është koha për të thelluar lidhjet me ata që e dëshirojnë sinqerisht. Ne ripërsërisim ftesën për Papa Françeskun për të vizituar vendin tonë dhe ju nxisim që të vazhdoni të luteni për popullin ukrainas”, tha Oleg Nikolenko kur u pyet për koment në lidhje me një intervistë që Papa dha për agjencinë e lajmeve Reuters.
Papa tha në intervistë se shpresonte se do të ishte në gjendje të shkonte në Moskë dhe Kiev pas një udhëtimi në Kanada si pjesë e përpjekjeve për t’i dhënë fund luftës në Ukrainë. /abcnews.al
