Disa pilotë ukrainas thuhet se janë gati të fillojnë stërvitjen e fluturimit në F-16, pasi tashmë kanë përfunduar me sukses aktivitetet përgatitore.
Kreu i ushtrisë, Valeriy Zaluzhnyi, e ka bërë të ditur këtë në Telegram pasi ka folur në telefon me shefin e Shtabit të Mbrojtjes të Danimarkës, gjeneralin Flemming Lentfer.
“Fokusi ishte në trajnimin e pilotëve dhe inxhinierëve ukrainas për F-16, i cili është duke u zhvilluar në Danimarkë.
Gjenerali Lentfer deklaroi se disa nga pilotët tanë tashmë kanë përfunduar me sukses aktivitetet përgatitore dhe mund të fillojnë stërvitjen e fluturimit”, tha Zaluzhnyi.
Për më tepër, shpjegoi shefi i ushtrisë ukrainase, “ne kemi rënë dakord me partnerët tanë danezë për të filluar punën në logjistikën për të siguruar mirëmbajtjen dhe riparimin e avionëve luftarakë F-16 në Ukrainë”.
