Ukraina ka akuzuar Rusinë se po planifikon një ofensivë të re tokësore në fillim të viti 2023.
Presidenti Volodymyr Zelensky dhe zyrtarë të lartë kanë paralajmëruar se Kievi dhe aleatët e tij duhet të jenë të përgatitur për ofensivën.
Ofensiva mund të nisë në rajonin lindor të Donbasit, në jug, ose drejt Kievit, thonë gjeneralët e lartë, shkruan BBC.
Por analistët perëndimorë thonë se aftësia e Rusisë për të kryer operacione të suksesshme sulmuese tokësore po zvogëlohet me shpejtësi.
Oficeri i lartë ushtarak i Mbretërisë së Bashkuar, Admirali Sir Tony Radakin tha këtë javë se lufta do të përkeqësohej vetëm për Moskën, e cila aktualisht po përballet me mungesë të municioneve artilerie.
Ministri i Mbrojtjes i Ukrainës, Oleksii Reznikov tha se po shtohen provat se Rusia, e cila ka pësuar një sërë humbjesh në fushën e betejës, planifikon një ofensivë të re të gjerë.
Ai spekuloi se kjo mund të ndodhte në shkurt kur gjysma e 300,000 trupave të rekrutuar nga Rusia në tetor për të mbështetur luftën në Ukrainë do të përfundonin stërvitjen.
“Pjesa e dytë e mobilizimit, afërsisht 150,000… bëjnë të paktën tre muaj për t’u përgatitur. Kjo do të thotë se ata po përpiqen të fillojnë valën tjetër të ofensivës ndoshta në shkurt, siç bënë vitin e kaluar. Ky është plani i tyre,” ta Reznikov, shkruan The Guardian.
Ofensiva e re e Moskës mund të ndodhë në janar, por ka më shumë të ngjarë në pranverë, raportoi Economist të enjten , duke thënë se vlerësimi erdhi nga presidenti Zelensksy, gjenerali Valery Zaluzhny dhe gjenerali Oleksandr Syrskyi në intervistat e fundit.
“Rusët po përgatisin rreth 200,000 trupa të reja. Nuk kam dyshim se ata do të kenë një sulm tjetër në Kiev,” tha gjenerali Zaluzhny, kreu i forcave të armatosura të Ukrainës.
Rusia është “100% duke u përgatitur”, tha ai, duke shtuar se “detyra strategjike shumë e rëndësishme e Ukrainës është të krijojë rezerva dhe të përgatitet për luftën, e cila mund të ndodhë në shkurt, në rastin më të mirë në mars dhe në rastin më të keq në fundi i janarit”./Abcnews.al/
