Këto ushqime përkeqësojnë dhimbjet menstruale

schedule14:55 - 15 Prill, 2021

schedule 14:55 - 15 Prill, 2021

Estrogjeni është përgjegjës për simptomat menstruale si dhimbjet e kokës, nervozizmi dhe luhatjet e humorit. Shumë faktorë kontribuojnë në rritjen e nivelit të këtij hormoni gjatë menstruacioneve, duke përfshirë ushqime të caktuara. Por cilët janë ushqimet “fajtore” dhe që duhet t’i shmangni?

Ushqimet me shumë sheqer, karbohidratet e përpunuara, produktet e qumështit dhe kafeina mund të krijojnë çekuilibër të sheqerit në gjak që shkaktojnë ose përkeqësojnë simptomat e menstruacioneve. Përveç këtyre, mishi dhe soja gjithashtu mund të përkeqësojnë problemin.

Përqendrohuni tek magnezi

 

Përfshini ushqime të pasura me magnez në dietën tuaj, si arra braziliane, spinaq dhe shqerne pasi ndihmojnë në zvogëlimin e ngërçeve dhe përmirësimin e gjumit.

Mos i anashkaloni vaktet

Është e rëndësishme t’i mbani nivelet e sheqerit në gjak të qëndrueshme, kështu që duhet të hani vakte të vogla.

Përparësia ndaj hekurit dhe vitaminave

Nëse keni perioda që zgjasin shumë ditë, zgjidhni ushqime të pasura me hekur, me B12, B6 dhe acid folik. Të gjitha gratë kanë nevojë për këto lëndë ushqyese dhe duhet t’i konsumojnë gjatë menstruacioneve.

Thuaju po acideve yndyrore omega-3

Të hash ushqime të pasura me omega-3, të tilla si peshk (salmon, sardele), arra dhe fruta të tilla si avokado, sigurojnë mbështetje anti-inflamatore që ulin dhimbjet mesntruale.

Hani perime të pasura me fibra

Mbushni të paktën gjysmën e pjatës me perime të pasura me fibra në çdo vakt për t’u siguruar që të merrni shumë lëndë ushqyese eliminuese të estrogjenit për të furnizuar sistemin tuaj. /abcnews.al