Lavariçja është një nga pajisjet më të nevojshme në shtëpi. Sidoqoftë, ajo ka nevojë për shumë kujdes që të funksionojë mirë. Nëse diçka shkon keq, ajo do të bëjë një zhurmë të tmerrshme. Shumë shpesh ajo mund të prishet sepse ju nuk i ndiqni udhëzimet. Më poshtë abcnews.al ju ka sjellë një listë me gabime që ju bëni më me lavatriçen.
I hidhni shumë detergjent
Shumë njerëz mendojnë se, sa më shumë detergjent të hidhni, aq më i mirë do të lahen rrobat. Sidoqoftë, kjo nuk është e vërtetë, madje edhe vetë prodhuesit e thonë këtë. Përdirmi i tepërt i detergjenteve mund të sjellë probleme të mëdha, si për shembull shkumë, e cila bllokon kullimin. Gjithashtu detergjenti i tepët mund të mbesë në rrobat tuaja.
Lajmë të brendshmet dhe çorapet pa çanta
Sipas statistikave, shumica e problemeve që lidhen me lavatriçen kanë të bëjnë me koshin. Një çantë larëse mund të garantojë që t’i keni të gjitha çorapet dhe të brendshmet siç i keni vendosur, infrormon abcnews.al. Edhe objektet e vogla që futen në filtër, mund ta prishin koshin e lavatriçes.
Nuk e pastrojmë filtrin ose e pastrojmë shumë rrallë
Filtrat e lavatriçes janë shumë të rëndësishme për t’u pastruar. Ata mbledhin gjëra të vogla të tilla si: monedha, çorape etj. Ju duhet ta pastroni filtrin 4 herë në vit ose më shpesh nëse ndjeni aromë të keqe ose lavatriçja nuk punon siç duhet.
Vendosim shumë gjëra në koshin e lavatriçes
Edhe nëse keni një grumbull të madh të rrobave të palara, nuk është mirë të mbingarkoni lavatriçen. Së pari, rrobat nuk do të lahen mirë dhe së dyti, ngarkesa e lavtriçes do ta bëjë të prishet më shpejt. Sigurisht, larja e vetëm disa gjërave të vogla është gjithashtu një ide e keqe, informon abcnews.al.
Ngarkesa ideale është kjo:
- Për pambuk dhe lin, mbushini 3/4 e lavatriçes.
- Për sintetikë, mbushni 1/2 e lvatriçes.
- Për leshin, mbushni 1/3 e lavatriçes.
Vendosja e lavatriçes në vendin e gabuar
Ndonjëherë arsyeja pse lavatriçet prishen, nuk është për shkak të zakoneve tona, por për shkak të mënyrës si e vendosim, informon abcnews.al. Gjatë fazës së fundit të larjes, koshi rrotullohet tepër shpejt dhe lavatriçja dridhet.
Arsyet pse lavatriçja dridhet janë:
- Dyshemeja nuk është plotësisht e sheshtë.
- Ka ose kushineta të thyer ose të amortizuara.
Përdorim agjentë pastrues që nuk janë për lavatriçen
Problemet fillojnë kur hedhim në kosh manualin e përdorimit, pasi blejmë lavatriçen. Dhe manualët gjithmonë thonë se nuk mund të përdorni asnjë agjent pastrimi përveç atyre që janë krijuar për ta. Çfarë ndodh nëse vendosni detergjent për larjen e duarve në një lavatriçe, mund të pyetni? Shumë shkumë mund ta prishë atë.
Pastrojmë lavatriçen shumë rrallë
Shumicën e kohës, nëse lavatriçja fillon të mbajë erë të keqe, është një shenjë se nuk po kujdesemi mirë për pajisjen. Përveç pastrimit të filtrit, duhet të ndezim edhe mënyrën e larjes së koshit. Nëse nuk keni një mënyrë të tillë, mund të aktivizoni larjen e rregullt në një temperaturë të lartë, por pa rroba brenda. Shtoni edhe pak uthull, sugjeron abcnews.al. Gjithashtu, ambientet e lagështa dhe të ngrohta janë të shkëlqyera për mykun. Kjo është arsyeja pse është më mirë të mbani të hapur derën e lavatriçes kur nuk po përdoret. Gjithashtu, përpiquni të thani sirtarin e detergjentit.
Nuk përdorim ujë të butë
Të gjithë e dimë që uji i çezmës nuk është i mirë për shëndetin tonë. Kjo është arsyeja pse blejmë filtra uji ose e blejmë ujin. Është mirë që ne të kujdesemi për shëndetit tonë, po për lavatriçen tonë kush do të kujdeset? Uji i fortë e përkeqëson cilësinë e larjes dhe e çon në formimin e smërçit.
Merrni një sapun të lëngshëm, ujë dhe një shishe transparente. Mbushni 1/3 e shishes me ujë çezme. Shtoni disa pika sapun të lëngët, mbyllni kapakun dhe tundeni shishen. Nëse uji bëhet i vështirë për t’u parë ose ka një ngjyrë qumështi, ju me siguri keni ujë të fortë. Dhe anasjelltas, nëse ka shkumë në sipërfaqe dhe uji mbetet transparent, ju keni ujë të butë. Nëse keni ujë të fortë, duhet të përdorni më shumë detergjent./e.b-abcnews.al
