Këshilltarit i presidentit Volodymyr Zelensky ka deklaruar se lufta në Ukrainë është në udhëkryq. Kjo sipas tij mund ta çojë Ukrainën drejt pranimit të një marrëveshjeje me Rusinë ose në një sulm të ri nga rusët.
“Jemi në një udhëkryq. Ose do të biem dakord në bisedimet aktuale ose rusët do të bëjnë një përpjekje të dytë në një ofensive dhe më pas do të ketë përsëri bisedime”, tha këshilltari Oleksiy Arestovych.
Kjo erdhi pasi një ministër i Ministrisë së Jashtme britanike ka thënë se “shpreson” që bisedimet midis Rusisë dhe Ukrainës të përparojnë duke çuar në përfundim të agresionit.
I pyetur në programin Good Morning Scotland të BBC-së nëse ai mendon se bisedimet midis dy palëve do të japin një rezultat pozitiv, James Cleverly tha: “Shpresoj që po”.
Por ai shtoi se pushtimi nuk ka qenë aq i suksesshëm sa kishte shpresuar fillimisht Kremlini.
“Ne kemi parë shumë dezinformata që vijnë nga Rusia, kemi parë shumë pandershmëri që vijnë nga Vladimir Putin,” tha ai të martën.
“Por fakti i thjeshtë është se sulmi që ai mendonte se do të ishte kaq i lehtë, ka rezultuar të jetë gjithçka veçse i lehtë”.
/abcnews.al
