Anëtarët e Këshillit të Sigurimit të OKB-së nuk arritën të enjten në një konsensus nëse do të rekomandohej pranimi i Palestinës si një vend anëtar i plotë në Kombet e Bashkuara, raportojnë mediat e huaja.
Dy të tretat e anëtarëve të këshillit ishin në favor të vazhdimit të anëtarësimit, me shumë vende që argumentojnë se “Palestina përmbush të gjitha kriteret që kërkohen” për t’i dhënë statusin e anëtarit të plotë të shtetit”, tha ambasadorja e Maltës dhe presidentja e Këshillit të Sigurimit Vanessa Frazier.
Frazier tha gjithashtu se ajo do të prezantonte një draft raport mbi diskutimet sa më shpejt të premten. Nëse komiteti nuk bie dakord për raportin, ai mund të mbajë një takim tjetër për të zgjidhur çdo mosmarrëveshje.
“Përveç rastit kur hapi tjetër i dakordimit (për) raportin e komitetit kërkon një takim tjetër për të zgjidhur dallimet, nuk parashikohet që të ketë ndonjë veprim të mëtejshëm të komisionit,” tha ajo.
Por ajo vuri në dukje se çdo anëtar i Këshillit të Sigurimit të OKB-së mund të paraqesë ende një rezolutë për të votuar për anëtarësimin palestinez në çdo kohë, pavarësisht nga raporti i komitetit.
Megjithatë, ashtu si në vitin 2011, Uashingtoni thotë se OKB nuk është vendi për të njohur shtetin e Palestinës, pasi sipas saj ai duhet të krijohet pas një marrëveshjeje mes Izraelit dhe palestinezëve.
Administrata e Presidentit Joe Biden po përmend gjithashtu një ligj të SHBA-së që kërkon që ajo të ndërpresë fondet e OKB-së nëse Këshilli i Sigurimit pranon përfshirjen e një shteti palestinez pa një marrëveshje dypalëshe./abcnews.al
