Mund të tingëllojë e çuditshme, por nëse filloni një “dietë” zyrtare menjëherë pas shtatzënisë dhe hyni në procesin e privimit e gjithë kjo lehtë mund t’ju lodhë psikologjikisht. Kështu që sigurohuni që të ndiqni një dietë të ekuilibruar. Zgjidhni produkte të ndryshme por ushqyese që do të zvogëlojnë ndjenjën e urisë dhe do t’ju japin energji. Feta mollë, karrota, tranguj të freskët janë zgjedhje e mirë për “snacking”.
Nëse jeni duke ushqyer me gji, përpiquni të mos konsumoni më pak se 1.800 kalori në ditë.
Investoni në “super ushqime”
Zgjidhni ushqime që janë të pasura me lëndë ushqyese, por me pak kalori dhe yndyrna.
Peshku është një nga këto “super ushqime” sepse është i pasur me yndyrna omega-3. Ushqyerja me gji do të ndihmojë të porsalindurin tuaj të zhvillojë një tru të shëndetshëm dhe sistem nervor duke ngrënë peshk si salmon, sardele dhe ton të freskët.
Qumështi dhe kosi janë gjithashtu super ushqime sepse kanë shumë kalcium dhe mbajnë kockat tuaja të shëndetshme. Dhe mos harroni proteina. Mishi i ligët, mishi i pulës dhe fasulet janë me pak yndyrë dhe me shumë proteina dhe fibra. Ato janë të mira për ju dhe do t’ju mbajnë të ngopur për më gjatë.
Ushqyerja me gji
Ajo që është e sigurt është që ushqyerja me gji i bën mirë bebes dhe forcon sistemin e tij imunitar. Pra, nëse jeni duke ushqyer me gji duhet të shtoni rreth 300 kalori shtesë në ditë në dietën tuaj ose më shumë nëse keni binjakë. Thjesht sigurohuni nëse nuk jeni duke ushqyer me gji, se nuk po e përdorni atë si një justifikim për të ngrënë çfarë të doni.
Pini shumë lëngje
Pirja e ujit do t’ju mbrojë nga dehidrimi dhe do t’ju “mbushë” më shumë duke rezultuar në të ngrënë më pak. Disa studime madje sugjerojnë që uji përshpejton metabolizmin tonë.
Nëse pini mjaft lëngje, urina juaj do të jetë e verdhë e qartë dhe do të shkoni në tualet çdo tre deri në katër orë.
Lëviz!
Ushqyerja është e rëndësishme por vetëm kjo nuk mjafton. Nëse dëshironi të humbni kilogramët e shtatzënisë siç duhet duhet të përfshini ushtrime aerobike në rutinën tuaj të përditshme, si dhe ushtrime forcuese për të djegur kalori dhe për të mbajtur muskujt dhe kockat tuaja të forta. “Ushtrimi, përveç që ju ndihmon të humbni peshë, ofron shumë përfitime për një mami të re. “Lufton depresionin, përmirëson cilësinë e gjumit dhe lehtëson stresin”, thotë Johnson.
Ju nuk keni nevojë të regjistroheni në palestër. Ju mund të dilni për një shëtitje me fëmijën tuaj në karrocë fëmijësh ose madje të merrni një shumë-instrument për shtëpinë. Mos harroni se ju gjithashtu mund të punoni me fëmijën tuaj. Por, para se të filloni ndonjë program ushtrimi, sigurohuni që së pari të merrni miratimin e mjekut tuaj, veçanërisht nëse keni lindur me prerje cezariane.
Shikoni gjumin tuaj
Mund të duket e pamundur të flesh për 8 orë me një foshnjë, por nëse privohesh nga gjumi e bën edhe më të vështirë në jetën tënde të përditshme me foshnjën. Në një studim, nënat që flinin pesë orë ose më pak gjatë natës kishin më pak të ngjarë të humbnin kilogramët e shtatzënisë sesa nënat që flinin shtatë orë. Kur jemi të lodhur, trupi ynë lëshon kortizol dhe hormone të tjera të stresit që mund të nxisin shtim në peshë.
Pra, mos harroni veten dhe sigurohuni që të flini ndërsa fëmija juaj fle.
Kërkoni ndihmë
Nëse e shihni që të gjitha përpjekjet tuaja kanë qenë të kota, kërkoni ndihmën e mjekut tuaj dhe një dietologu. Dietologia është ajo që do të hartojë një plan specifik diete për të humbur peshën shtesë në mënyrë të sigurt dhe efektive, ndërsa mjeku mund t’ju udhëzojë se sa peshë duhet të humbni dhe kur mund të filloni të ushtroni. l.k/abcnews.al
