Kërkoi ligjvënësen amerikane që vdiq në gusht, Bidenit i kërkohet të kryejë testin e inteligjencës

schedule14:42 - 30 Shtator, 2022

schedule 14:42 - 30 Shtator, 2022

Pyetja që ngjalli reagime në të gjithë botën ka shqetësuar mjekët në Shtetet e Bashkuara rreth shëndetit mendor të presidentit Joe Biden.

Doktoresha e Qendrës së Kancerit Memorial Sloan Kettering, Nicole Saphire ka bërë thirrje që amerikanët duhet të kenë transparencë rreth shëndetit të Biden, pas gafave të njëpasnjëshme të presidentit.

“Amerikanët nuk mund t’i injorojnë shenjat shqetësuese të presidentit. Biden duhet t’i nënshtrohet një testi të inteligjencës dhe t’u japë qytetarëve transparencën që meritojnë,” tha ajo.

Konstatimet e doktoreshës Saphire, vijnë pasi zoti Biden kërkoi në mes të të pranishmëve në një konferencë në Uashington ish-kongresmenen Jackie Walorski e cila ndërroi jetë në muajin gusht dhe demokrati bëri për të një deklaratë ngushëllimi.

Që nga marrja e detyrës, aftësia fizike e Biden duket se ka rënë.

Kjo nuk është për t’u habitur, në fakt, është një dukuri e pritshme që vjen me moshën.

Lexo edhe: “Jackie, a je këtu?” Biden kërkon në mes të audiencës ligjvënësen amerikane që vdiq në gusht

Por shqetësimi nuk është vetëm për shëndetin fizik të një presidenti në moshë, por ka edhe shqetësime nëse ai është i aftë të përballojë ashpërsinë e pozicionit të tij.

Gafat publike të Biden përfshijnë momente të të folurit gabim, ecjes, murmuritjes dhe shfaqjes së hutuar në ngjarje publike.

Në fakt, këto momente shqetësuese janë pothuajse shumë të shumta për t’u përmendur këtu.

Pas një ngjarjeje në natyrë në Shtëpinë e Bardhë në gusht, presidenti u përpoq t’i shtrëngonte dorën senatorit Chuck Schumer pasi u duk se kishte harruar se ata sapo kishin shtrënguar duart, shkruan Daily Mail. 

Përveç doktoreshës, edhe gazetari profesionist i ’60 Minutes’ Scott Pelley e pyeti presidentin nëse ai është i aftë për të bërë këtë punë.

Krahas këtyre presidenti ka shqetësuar publikun dhe videot e tij janë bërë virale pasi Biden shfaqej në fund të fjalimit duke i dhënë dorën personave që nuk ekzistonin.

79-vjeçari përballet edhe me kritika të gjera që e kanë rrëzuar Partinë Demokratike në sondazhe për shkak të inflacionit tepër të lartë në Shtetet e Bashkuara, për të cilin Biden fajëson luftën në Ukrainë./Abcnews.al/