Milani konfirmoi Stefano Piolin në krye të skuadrës për dy sezonet e radhës dhe e njëjta gjë pritet të ndodhë me Zlatan Ibrahimovic. Sulmuesi suedez del lojtar i lirë në fund të sezonit dhe shumë është folur për të ardhmen e tij.
Sky Sports raporton se shanset e qëndrimit të 38-vjeçarit në Milanello janë rritur shumë. Ditët e ardhshme do të ketë një takim midis dyshes Maldini-Massara dhe Mino Raiolës në lidhje me rinovimin e portierit Donnarumma.
Agjenti i njohur zotëron edhe të drejtat ligjore të Ibrahimovic, dhe në takimin me drejtuesit e “Djallit” do të nisin bisedimet për rinovimin me sulmuesin e njohur.
Pioli, njësoj si edhe tifozët e Milanit, shpreson ta ketë sërish në dispozicion lojtarin e famshëm dhe i ka kërkuar drejtuesve t’i ofrojnë rinovimin për një tjetër vit. Ibra u rikthye te kuqezinjtë në muajin janar dhe deri numëron 7 gola+4 asiste në 15 ndeshje të zhvilluara. /abcnews.al
