Komisioni Europian i ka prezantuar Këshillit të Bashkimit Europian kuadrin negociues me Shqipërinë dhe Maqedoninë e Veriut.
Lidhur me këtë ka reaguar edhe Komisioneri për politikën e fqinjësisë dhe zgjerimin Olivér Várhelyi, i cili ka thënë mes të tjerash se sot u shënua një hap i rëndësishëm.
LEXO EDHE: KE i prezanton Këshillit të BE kuadrin negociues me Shqipërinë dhe Maqedoninë e Veriut
“Sot u shënua një hap tjetër i rëndësishëm në rrugën e Shqipërisë dhe Maqedonisë së Veriut. Propozimet tona bazohen në metodologjinë e rishikuar të zgjerimit që kemi paraqitur në shkurt për ta bërë procesin e pranimit më të besueshëm, me një drejtues më të fortë politik, më dinamik dhe të parashikueshëm. Mezi pres diskutimet me shtetet anëtare dhe mbajtjen sa më shpejt të një konference ndërqeveritare me të dy vendet”, ka shkruar Várhelyi në një postim në twitter.
Për përcaktimin e një date për hapjen zyrtare të negociatave me Shqipërinë dhe Maqedoninë e Veriut duhet që ky kuadër negociues të aprovohet nga shtetet anëtare të Bashkimit Europian. /abcnews.al
Another important step for #Albania & #NorthMacedonia! Today we outline frameworks for the conduct of #EU accession negotiations w both countries. I look forward to discussions w Member States&to holding as soon as possible the first accession conferences. https://t.co/b3rj9ZC6uz pic.twitter.com/Ev0q5j95ZL
— Oliver Varhelyi (@OliverVarhelyi) July 1, 2020
