Janë luajtur ditën e sotme ndeshjet e javës së dhjetë në grupin A të Kategorisë së Dytë. Shkumbini siguroi një fitore tenistike përballë Shënkollit.
6-0 për vendasit përfundoi sfida e luajtur në Peqin, teksa golat e fitores së thellë u shënuan nga Mustafaj (3x), Lamçja, Dakavelli dhe Gjevori.
Shkumbini kryeson grupin A me 26 pikë, gjashtë më shumë se Luzi i vendit të dytë. Këta të fundit fituan 2-0 në shtëpi kundër Klosit.
Golat për ekipin vendas u realizuan nga Ferraj dhe Moukoko. Gramshi ishte skuadra e vetme që ia doli të merrte tre pikët jashtë fushe.
Gramshi triumfoi 1-2 në fushën e Internacional Tirana. Përballja tjetër midis Mirditës dhe Sopotit përfundoi në barazim pa gola. /abcnews.al
