Qeveritë e Bahreinit dhe Katarit njoftuan të mërkurën mbrëma rivendosjen e marrëdhënieve diplomatike, duke i dhënë fund mosmarrëveshjes së tyre të gjatë.
Marrëveshja u përfundua gjatë bisedimeve ndërmjet delegacioneve të dy palëve në selinë e Këshillit të Bashkëpunimit të Gjirit (GCC), në Arabinë Saudite, sipas një njoftimi për shtyp nga Ministria e Punëve të Jashtme të Katarit.
Palët “vendosën të rivendosin marrëdhëniet diplomatike midis dy vendeve në përputhje me parimet e Kartës së Kombeve të Bashkuara”.
Ministria e Jashtme e Bahreinit lëshoi një deklaratë të ngjashme, sipas agjencisë shtetërore të lajmeve të emiratit.
Bahreini, Emiratet e Bashkuara Arabe, Egjipti dhe Arabia Saudite ndërprenë lidhjet me Katarin në vitin 2017, duke e akuzuar atë për mbështetjen e organizatave “ekstremiste” në rajon.
Edhe pse në janar 2021, vendet e Gjirit nënshkruan një marrëveshje me Arabinë Saudite, marrëdhëniet mes dy shteteve fqinje nuk u rivendosën.
Tre shtetet kishin njoftuar tashmë rivendosjen e marrëdhënieve diplomatike me Katarin, megjithëse Emiratet e Bashkuara Arabe dhe Katari ende nuk i kanë rihapur ambasadat e tyre.
/abcnews.al
