Lirim Kastrati është rikthyer më në fund te golat. Pas një mungese të gjatë në listën e golashënuesve, talenti dardan arriti të shënojë për Lokomotivën e Zagrebit, në takimin kundër Gorica.
Sulmuesi i talentuar gjeti golin në minutën e 40′, duke kaluar në avantazh Lokomotivën. Festa e tij ishte shumë prekëse, pasi Kastrati festoi me një fanellë me flamurin e Shqipërisë.
Një minutë më vonë, shënoi edhe Myrto Uzuni, duke bërë që Lokomotiva e Zagrebit ta mbyllë pjesën e parë me rezultatin 2-0. Te Lok. Zagreb, aktivizohen shumë futbollistë shqiptarë./abcnews.al
