Inter siguroi një fitore shumë të rëndësishme në mesjavë përballë Slavia Prague në Champions, ndërsa nesër kundër Spalit do të tentojë triumfin e pestë radhazi në kampionat. Ndjekja e Juventusit vazhdon dhe ekipit zikaltër nuk i falet asnjë hap fals.
Antonio Conte nuk i kursen elozhet për ekipin e Etrit Berishës dhe repartin ofensiv të ekipit të tij gjatë konferencës për shtyp. Martinez dhe Lukaku po merren vesh shumë mirë dhe po dërgojnë Interin drejt fitoreve me golat e tyre.
SPAL – “Ata luajnë me sistemin 3-5-2, kanë të njëjtën skemë me ne. Spal ka një ide të qartë loje, janë të organizuar, të motivuar dhe drejtohen nga një trajner i aftë. Kemi respekt për ta, duhet të tregohemi të kujdesshëm dhe nuk mund të çlodhemi pas fitoreve të fundit”.
SULMI – “Martinez dhe Lukaku janë rritur shumë, po mësohen me lëvizjet e njëri-tjetrit dhe po shfrytëzojnë karakteristikat që kanë. Janë të dy sulmues modern, mund të bëjnë rolin e sulmuesit të parë dhe të dytë”. /abcnews.al
