Kapet nëndetësja që transportonte kokainë me vlerë 18 milionë dollarë

Autoritetet kolumbiane kanë sekuestruar një nëndetëse që po transportonte më shumë se një ton kokainë, që kishte si destinacion Meksikën. Droga e sekuestruar kap vlerën e 18 milion dollarëve. Anija u kap larg brigjeve të Tumaco në Nariño, ndërsa tre persona ranë në pranga.

Gjatë operacionit “Triton”, policia zbuloi se dërgesa po kryhej nga E-30, një grup kriminal kolumbian i dyshuar gjithashtu edhe për vrasje masive. Sipas zyrtarëve, nëndetësja që ka një vlerë prej 1,2 milionë dollarësh ka hapësirë për të transportuar deri në 3 ton kokainë.

Ajo gjithashtu ka një sistem satelitor navigimi që do ta lejonte atë të arrinte në destinacionin e tij në Costa Careyes në shtetin meksikan të Jalisco deri në javën e parë të shtatorit. Karteli meksikan ka qenë prej kohësh i lidhur me Kolumbinë, prodhuesi dhe eksportuesi kryesor në botë i kokainës në Amerikë, Evropë, Azi dhe Afrikë./abcnews.al/