Bledar Bedini 51-vjeç është arrestuar nga Policia e Tiranës pasi rezulton i dënuar në Milano me 7 vite burg për trafik narkotikësh. Tashmë pritet ekstradimi i tij drejt Italisë.
Në pranga është vënë edhe një shtetas italian 34-vjeç Alessandro Amorosi për të cilin autoritetet gjyqësore në Zvicër kanë lëshuar urdhër arresti ndërkombëtar.
Njoftimi i policisë
Vijojnë operacionet per kapjen e personave në kërkim ndërkombëtar
Finalizohet operacioni policor i koduar “Seven”, në kuadër të cilit u kapën dy persona të shpallur në kërkim ndërkombëtar.
Operacioni policor i zhvilluar nga Komisariati i Policisë Nr. 2, Fast Albania dhe Seksioni për Hetimin e Narkotikëve në DVP Tiranë dhe Interpol Tirana.
Vihen në pranga, me qëllim ekstradimi, 2 shtetas të shpallur në kërkim ndërkombëtar për veprat penale “Shkelja e ligjit mbi drogat” dhe “Trafik narkotikësh”.
Shërbimet e Komisariatit të Policisë Nr. 2, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, bënë kapjen dhe arrestimin provizor, me qëllim ekstradimin drejt Italisë, të shtetasit:
Bledar Bedini (Imami), 51 vjeç, banues në Tiranë, të cilin Gjykata e Apelit Milano e ka dënuar me 7 vjet burg, për veprën penale “Trafik narkotikësh”.
Gjithashtu, nga Fast Albania në bashkëpunim me specialistët e Seksionit të Hetimit të Narkotikëve në DVP Tiranë, bënë të mundur lokalizimin, kapjen dhe arrestimin provizor, me qëllim ekstradimi drejt Zvicrës, të shtetasit:
Alessandro Amorosi, 34 vjeç, banues në Itali.
Ky shtetas ishte shpallur në kërkim ndërkombëtar, pasi autoritetet gjyqësore në Solothurn, Zvicër, kanë lëshuar urdhër arresti ndërkombëtar, për veprën penale “Shkelja e ligjit mbi drogat”, parashikuar nga Kodi Penal i Zvicrës.
Interpol Tirana, në bashkëpunim me autoritetet ligjzbatuese italiane dhe zvicerane, vijon procedurat për ekstradimin e këtyre shtetasve.
