Policia italiane ka arrestuar 3 shqiptarë të moshës 30, 31, dhe 36 vjeç në Monza pasi në makinën me të cilën udhëtonin u gjetën 2 kg heroinë ndërsa në banesën e njërit prej tyre pas kontrollit u gjet edhe një sasi tjetër duke sekuestruar gjithsej 6 kg heroinë.
Shqiptarët mësohet se janë me banim në Brianza, Bergamo dhe Lecco.
Gjithçka filloi në pasditen e së hënës së 12 tetorit, kur ushtria ndaloi një Volkswagen Polo të dyshimtë pas një kontrolli rutinë.
Në bordin e automjetit, i drejtuar nga një shqiptar tridhjetë vjeç banues në Arcore dhe me një histori të kaluar droge, u gjetën tre kallëpe heroine për një total prej 1.8 kg, të cilat ishin fshehur brenda një zgavre e krijuar në makinë në vendin e pasagjerit.
Kontrollet vazhduan më pas në Arcore në shtëpinë e burrit, ku së bashku me drogat e tjera, karabinierët kapën gjithashtu dy bashkëpunëtorët, të cilët përfunduan në pranga.
Pas një kontrolli në një apartament që me sa dukej normal, por në të vërtetë ishte një vend i fshehtë për fshehje droge u gjetën në fakt, katër çanta që përmbanin 4.2 kilogramë heroinë dhe rreth 300 gram marijuanë. Ato ishin fshehur në brendësi të një muri pas kontrollit me qentë zbulues.
Së bashku me 30- vjeçarin, një shtetas shqiptar 31 vjeç me banim në Robbiate (Lecco) dhe një bashkatdhetar 36 vjeç me banim në Sorisole, në provincën e Bergamos, u arrestuan.
Të tre të arrestuarit e sotëm janë transferuar në burgun e Monza-s , ndërsa droga, për një total prej 6 kilogramë heroinë, nëse do të hidhej në treg do të jepte më shumë se 250 mijë euro.
n.d./abcnews.al
