Një ditë më parë, mediat e huaja raportuan se familja e George Floyd po përgatit një padi kundër Kanye West. Së fundmi, është raportuar se gruaja e të ndjerit ka paditur reperin duke kërkuar 250 milionë dollarë, pas komenteve të tij të diskutueshme për për vdekjen e babait të fëmijës së saj.
Kanye West pohoi se Floyd, i cili u vra nga oficeri i policisë në Minneapolis, Derek Chauvin në maj 2020, vdiq nga fentanili dhe se gjuri i oficerëve “nuk ishte as në qafë, siç dukej”. Roxie Washington, nëna e Gianna Floyd, pretendon në padi se ai bëri deklarata të rreme për George për të ‘promovuar markat e tij’.
Padia gjithashtu pretendon se ai i bëri komentet për të “rritur vlerën e marketingut dhe të ardhurat e tij, partnerëve të tij të biznesit dhe bashkëpunëtorëve”. Avokati Lee Merritt fillimisht la të kuptohet mundësinë e një padie dje, duke thënë se është e pamundur që dikush të shpifë për të vdekurit.
Avokatët thonë se West përdori “gënjeshtra keqdashëse” për Floyd për të përfituar nga vdekja e tij dhe trauma e familjes. “Interesat e fëmijës janë prioritet. Vajza e George Floyd po lëndohet nga komentet e Kanye ëest dhe ata po krijojnë një mjedis të pasigurt dhe jo të shëndetshëm për të”, tha një avokat.
Njoftimi për shtyp nga ekipi ligjor i familjes i quajti komentet e West-it “të neveritshme”, duke shtuar: “Disa fjalë kanë pasoja dhe zoti West do ta kuptojë këtë.”
